Abstract
SYNOPSIS IN INTERLINGUA
CERTE ASPECTOS DEL ORIGINE E DEL DESTINO DE CYSTES MESOPALATAL IN FETOs HUMAN.—Omne le specimens prenatal exhibiva evidentia de multiple formationes de cyste disveloppamental in le linea central del medietates posterior del palato dur in stato de disveloppamento. Tal cystes non esseva presente in tres de quatro fetos parturite a termino. Iste observation se trova in accordo con previe reportos indicante que le majoritate de tal cystes dispare ante le nascentia. Secundo le puncto de vista conventional illos ha lor origine in retenite perlas epithelial remanente ab le tempore del fusion del rebordos palatal e del subsequente perforation e disruption del interjacente lamina de cellulas epithelial. Evidentia histologic ab le presente studio indica que certes de iste cystes ha possibilemente lor origine in invaginationes de fetal mucosa de superficie.